TELANGANAPATRIKA (June 16): TGSRTC Free Bus Scheme. “ఊరికో బస్సు – ఇంటికో దీపం” అనే నినాదంతో ప్రజా ప్రభుత్వ విధానాలు సాగుతున్నాయని రాష్ట్ర డిప్యూటీ ముఖ్యమంత్రి భట్టి విక్రమార్క మల్లు తెలిపారు. మధిర పట్టణంలో రూ.10 కోట్ల వ్యయంతో ఆధునిక బస్ స్టాండ్ నిర్మాణానికి బుధవారం శంకుస్థాపన జరిగింది. ఆయనతో పాటు రవాణా శాఖ మంత్రి పొన్నం ప్రభాకర్, జిల్లా కలెక్టర్ అనుదీప్ దురిశెట్టి పాల్గొన్నారు.
RTC అభివృద్ధి లక్ష్యంగా
భట్టి విక్రమార్క మాట్లాడుతూ, 1978లో మర్రి చెన్నారెడ్డి నేతృత్వంలో ప్రారంభమైన “ఊరికో బస్సు” నినాదం తాజాగా TSRTC Free Bus Scheme 2025 రూపంలో పునరుద్ధరించబడిందని పేర్కొన్నారు. గత పాలనలో నష్టాల్లో ఉన్న ఆర్టీసీని ఇప్పుడు లాభాల బాటలో నడిపించడంలో ప్రభుత్వం కీలక పాత్ర పోషిస్తుందని తెలిపారు.
TGSRTC Free Bus Scheme మహిళల కోసం ఉచిత ప్రయాణం
మహిళలకు ఉచిత ప్రయాణం కల్పించడంతో నెలకు సుమారుగా రూ.300 కోట్లు ఆర్టీసీకి మంజూరు అవుతున్నాయని చెప్పారు. ఈ మహాలక్ష్మి పథకం వల్ల బస్సులపై డిమాండ్ పెరిగిందని, కొత్త బస్సులు మహిళా సంఘాల ద్వారా కొనుగోలు చేస్తున్నట్టు వివరించారు.
పర్యావరణ హితమైన ఎలక్ట్రిక్ బస్సులు
రాష్ట్ర ప్రభుత్వం డీజిల్ బస్సుల నుంచి ఎలక్ట్రిక్ బస్సులకు మెల్లగా మారే దిశగా కృషి చేస్తుందని, డ్వాక్రా సంఘాల ద్వారా 600 ఎలక్ట్రిక్ వాహనాలను ఆర్టీసీకి అద్దెకు ఇవ్వాలని ప్రణాళిక రూపొందించినట్లు చెప్పారు. మధిర పట్టణానికి ప్రత్యేక ప్రాధాన్యతతో మౌలిక వసతులు కల్పిస్తున్నామని స్పష్టం చేశారు.
Read More: Read Today’s E-paper News in Telugu
Comments are closed.